अमेरिकास्थित सिकागोल्यान्ड थारु समाजको पाँचौं वार्षिक साधारण सभाले नयाँ कार्यसमिति चयन गरेको छ। इन्द्रकान्त चौधरीको अध्यक्षमा समाजले १३ सदस्यीय नयाँ कार्यसमिति सर्वसहमतले चयन गरेको हो। समाजको उपाध्यक्षमा मनोज चौधरी र मुकेश चौधरी, सचिवमा ललित चौधरी, सहसचिवमा इन्देश चौधरी र कोषाध्यक्षमा ओमप्रकाश चौधरी चयन भएका छन्।

त्यस्तै सदस्यहरुमा रामानन्द चौधरी, प्रभुनन्द चौधरी, जवाहरलाल चौधरी, नरेन्द्र चौधरी, कमलेश चौधरी, भावना विश्वास र अरुण चौधरी छन्। बन्दसत्रमा विद्यान संसोधन, संस्थाको कार्यप्रगति विवरण र आर्थिक प्रतिवेदनमाथि छलफल भएको थियो।

समाजले कलाकारहरु प्रिया चौधरी, भावना विश्वास, खुसी चौधरी र अनडिसाइडेड ब्यान्डका मिलन चौधरी शंकर पराजुली, भुवन राई, अमोद बइजु र आशिक श्रेष्ठलाई सम्मान गरेको सचिव ललित चौधरीले जानकारी दिए। उनका अनुसार फुटबलका अब्बल निराजन चौधरी, इन्देश्वर चौधरी र तेक्वान्दोका सनम चौधरी र सौगात चौधरीलाई पनि सम्मान गरेको थियो।

त्यस्तै मेधावी विद्यार्थी नरेन्द्र चौधरी, समाजसेवी सन्झा बति सिंह र पर्मा चौधरीलाई पनि सम्मान गरिएको थियो।

समुदायमा विशेष योगदान पुर्यााउँदै आएका गैर आवासीय नेपाली संघ, अमेरिकाकाे इलिनाेई राज्यका नवनिर्वाचित सभापति सत्यनारायण चौधरीलाई समाजले विशेष सम्मान गरेको थियो। अमेरिकाको सिकागोल्यान्डमा १ सय २० जना थारुहरु बस्छन्। कार्यक्रममा भने १ सय ५० जनाको उपस्थित थियो।