नवौं खिचरा महोत्सवमा आयोजना भएको डान्स आइडलमा आठ जना प्रतियोगीहरू फाइनलमा प्रवेश गरेका छन्। दोस्रो राउण्डमा प्रवेश गरेका प्रतियोगीहरूमध्ये फाइनलमा प्रवेश गर्नेहरू जेसिका चौधरी, किमस महतो, खुशी खरेल, सपुन सिरमल, लक्ष्मी सुनार, सुष्मिता गिरी, दिपिका गिरी, सरस्वती गिरी छनौट भएको डान्स आइडलका कार्यक्रम संयोजक हरिशरण चौधरीले जानकारी दिए।

डान्स आइडलको फाइनल माघ ६ गते हुने जनाइएको छ। फाइनलमा प्रथम, द्वितीय र तृतीय हुने प्रतियोगीले क्रमशस् ३० हजार, २० हजार र १० हजार नगद पुरस्कार प्राप्त गर्नेछन्।

आजको राउण्डमा निर्णायकको भूमिकामा थारू कलाकार सभा चितवनका अध्यक्ष तथा निर्देशक सुरेश चौधरी, थारू कलाकार सभाका उपाध्यक्ष तथा निर्देशक हिरा चौधरी र मोडल मुस्कान चौधरी रहेका थिए।

माघ ४ गते चर्चित गायक कमल खत्री, गायिका मेलिना मैनाली, थारु कलाकार विश्व चौधरी तथा थारू साँस्कृतिक नाचगीत र यात्रा ब्याण्डको प्रस्तुति रहने साँस्कृतिक कार्यक्रम संयोजक जयश चौधरीले जानकारी दिए। महोत्सव खैरहनी-५, जबकौली गौचरनमा माघ १० गतेसम्म हुनेछ।