महिलालाई कुटपिट गरेको आरोपमा कैलाली प्रहरीले चार जनालाई पक्राउ गरेको छ। पक्राउ पर्नेमा भजनी नगरपालिका-१ का रुपा चौधरी, लहानु डङ्गौरा, मनोज चौधरी र बाबुराम डङ्गौरा रहेका जिल्ला प्रहरी कार्यालयले जानकारी दिएको छ।

उनीहरूले सोही ठाउँकी ३० वर्षीया हसिना चौधरीलाई कुटपिट गरेको सहप्रवक्ता प्रहरी निरीक्षक दर्शन खड्काले जानकारी दिए। उनका अनुसार आपसी विवाद हुँदा बिहीबार हसिनामाथि गालीगलौज र सामूहिक कुटपिट गरिएको थियो।

कुटपिट गर्ने चारै जनालाई इलाका प्रहरी कार्यालय भजनीमा राखेर थप अनुसन्धानको काम भइरहेको जिल्ला प्रहरी कार्यालयले जानकारी दिएको छ।