नागरिक उन्मुक्ति पार्टीको दुई दिन चलेको बैठकले जनमतसँग पार्टी एकीकरणका लाग कार्यदल गठन गरेको छ। प्रतिनिधिसभा सदस्यसमेत रहेका गंगाराम चौधरीको संयोजकत्वमा तीन सदस्यीय कार्यदल गठन गरिएको छ। सदस्यमा सुनिता चौधरी र रामलाल डंगौरा रहेका छन्।

यसअघि फागुन अन्तिम साता बसेको जनमतको केन्द्रीय समितिको बैठकले नाउपासँग पार्टी एकीकरणका लागि कार्यदल बनाएको थियो। कार्यदलमा प्रतिनिधिसभा सदस्य अब्दुल खान संयोजक र डा. शरदसिंह याव र बालगोविन्द चौधरी सदस्य छन्।

त्यस्तै दामोदर पण्डितको संयोजकत्वमा विधान प्रतिष्ठान कमिटी बनाउने निर्णय गरिएको छ। जसमा अधिवक्ताद्वय गीता चौधरी र सरोज बुढाथोकी रहेका छन्। नाउपाको अर्को बैठक वैशाख ३ गते बोलाइएको छ।