बबई बहुमुखी क्याम्पसमा सोमबार सम्पन्न निर्वाचनमा संयुक्त प्यानलका तर्फबाट नेपाल विद्यार्थी सङ्घका सुन्दरम गुप्ता विजयी भएका छन्। नेपाल विद्यार्थी संघकातर्फबाट उम्मेदवार बनेका गुप्ताले तीन सय ४१ मत प्राप्त गरेर विजयी भए। यससँगै बबई बहुमुखी क्याम्पसमा नेविसङ्घ पुनः २० वर्षपछि स्वतन्त्र विद्यार्थी युनियनमा फर्किएको छ। यस अघिका निर्वाचनमा अखिल नेपाल राष्ट्रिय स्वतन्त्र विद्यार्थी युनियनले कब्जा जमाउँदै आएको थियो।

त्यस्तै सचिवमा आखिल क्रान्तिकारीका देवेन्द्रबहादुर थापा र कोषाध्यक्षमा नागरिक विद्यार्थी समाजका सोनम थारू तीन सय ६१ मतसहित विजयी भए। त्यस्तै सदस्यामा अञ्जली पाण्डे, प्रदीप बुढाथोकी, मो. असिफ गद्धी, शिवानन्द यादव विजयी भए।

गुप्तालाई माओवादी निकट अखिल क्रान्तिकारी, नागरिक उन्मुक्ति पार्टी निकट नागरिक विद्यार्थी समाज र समाजवादी पार्टी निकट समाजवादी विद्यार्थी युनियनले समर्थन गरेका थिए।