थारू कल्याणकारिणी सभा (थाकस)को २३औं राष्ट्रिय महाधिवेशनबाट निर्वाचित ५४ जना नयाँ कार्यसमिति सदस्यको सूची सार्वजनिक भएको छ। झन्डै दुई महिनापछि पुस २५ गते सपथग्रहण गर्दै नयाँ कार्यसमिति सदस्यहरूको सूची सार्वजनिक गरिएको हो।

गत मंसिर १, २ र ३ गते रूपन्देहीको भैरहवामा थाकसको राष्ट्रिय महाधिवेशन सम्पन्न भएको थियो। महाधिवेशनले केही पदाधिकारी बिनै सर्वसम्मतिले नयाँ कार्यसमिति चयन गरेको थियो। थाकस महामन्त्री मिनराज चौधरीका अनुसार ६ जना उपाध्यक्ष र १ जना उपमहामन्त्री पदमा अझै सहमति हुन सकेको छैन। प्रत्यासी उम्मेदवार धेरै भएकाले निर्विरोध गर्न नसकिएको बताइएको छ।

महाधिवेशनले सभापतिमा रौतहटका प्रेमीलाल चौधरी, महामन्त्रीमा बर्दियाका मिनराज चौधरी र कोषाध्यक्षमा दाङका चुर्णबहादुर चौधरी निर्विरोध निर्वाचित भएका थिए। यसअघि प्रेमीलाल महामन्त्री, मीनराज उपमहामन्त्री र चुर्णबहादुर कोषाध्यक्ष रहेका थिए।

हेर्नुस् सूची