यतिबेला कञ्चनपुरका थारु समुदायका महिलाहरु दसैंका लागि घर सजाउन व्यस्त छन् । अहिले घर चिटिक्क पार्ने, आँगन सजाउने, माछामासु र दाउराको जोहो गर्ने र किनमेल गर्ने जस्ता कार्यमा यो समुदायका महिला व्यस्त भएका हुन् ।

नेपाली कांग्रेस निकट भातृ संस्था नेपाल थारु संघ उदयपुरले थारु समुदायको उम्मेदवारलाई टिकट नदिए विद्रोह गर्ने चेतावनी दिएको छ।

नागरिक उन्मुक्ति पार्टीका वरिष्ठ नेता सुरेन्द्र चौधरीले दाङ क्षेत्र नं १ बाट उम्मेदवारी दिने भएका छन्। अभियन्ता एवं थारू राजनीतिका जानकारसमेत रहेका उनी सो क्षेत्रमा चुनावी अभियानसमेत थालनी गरेका छन्।

नागरिक उन्मुक्ति पार्टीकी अध्यक्ष रञ्जिता श्रेष्ठ चौधरी कैलालीको लम्कीमा बुधबार आयोजित पार्टी प्रवेश तथा भेटघाट कार्यक्रममा एकाएक भावुक भइन् । उनी नेपालीको घर आँगनमा भित्रिसकेको दसैँ र दसैँमा हुने उल्लासलाई स्मरण गर्दै भावुक भएकी थिइन् ।

थारू एन्ड फ्रेन्ड्स एसोसियशन (टीएफए)ले संस्थापकमध्येका एक त्रिभुवन चौधरीलाई ‘लाइफ टाइम अचिभमेन्ट अवार्ड’बाट सम्मानित गरेको छ। अमेरिकाको सिकागोमा आयोजना भएको संस्थाको १५औं वार्षिक साधारणसभामा चौधरीलाई सम्मानित गरिएको निवर्तमान अध्यक्ष सुशील चौधरीले जानकारी दिए।

नेपाल पत्रकार महासंघ बाँकेका पूर्वअध्यक्ष एवं कान्तिपुर दैनिकका वरिष्ठ पत्रकार ठाकुर सिंह थारू रेशम चौधरीको पार्टीबाट उम्मेदवार बन्ने भएका छन्। उनी बर्दियाको क्षेत्र नं १ बाट नागरिक उन्मुक्ति पार्टीबाट प्रतिनिधिसभाका लागि उम्मेदवार बन्ने भएका हु्न्।

लुम्बिनी प्रदेशका पर्यटन, ग्रामीण तथा सहरी विकास मन्त्री डिल्लीबहादुर चौधरीले भोट दिनेमात्रै नभई कहाँ के भएन भनेर झकझक्याउनु मतदाताको दायित्व भएको बताएका छन्।

सन्तोष दहित मंसिर ४ को चुनावको मिति नजिकिएसँगै दाङका सघन थारु गाउँहरूमा महटावाहरू अधिकार लागि अघि सरेका छन्। दाङका विभिन्न गाउँबाट उनीहरु शनिबार सदमुकाम घोराहीमा भेला भए।

नागरिक उन्मुक्त पार्टीका संरक्षक रेशम चौधरीले पहिचान पक्षधरलाई नागरिक उन्मुक्ति पार्टीमा आउन आह्वान गरेका छन्। दसैंको पहिलो दिन घटस्थापनाको अवसरमा शुभकामना दिँदै उनले पहिचान पक्षधरहरुलाई आफ्नो पार्टीमा आउन आह्वान गरेका हुन्।