महिलालाई कुटपिट गरेको आरोपमा कैलाली प्रहरीले चार जनालाई पक्राउ गरेको छ। पक्राउ पर्नेमा भजनी नगरपालिका-१ का रुपा चौधरी, लहानु डङ्गौरा, मनोज चौधरी र बाबुराम डङ्गौरा रहेका जिल्ला प्रहरी कार्यालयले जानकारी दिएको छ।

एक दिन राजकुमारी चौधरीले आफ्ना पतिलाई भलमन्सा बन्न सुझाव दिइन्। थारू समुदायमा भलमन्सा भनेको गाउँ या बस्तीको अभिभावक हो। परम्परादेखि नै यो पदमा पुरूष मात्र चुनिने चलन थियो। त्यसैले उनले श्रीमानलाई यो पद दाबी गर्न भनिन्।

बाराका थारू समुदायले जितपुर सिमरा-४ स्थित औरहामा माघी महोत्सव गर्ने भएको छ। थारू कल्याणकारीणी सभा जिल्ला कार्यसमितिले मंगलबार कलैयास्थित थारु सेवा सदनको सभाहलमा बैठक बसेर सो निर्णय गरेको हो।

सुदूरपश्चिम महोत्सवमा थारु समुदायको संस्कृति र स्वाभिमानमाथि आँच आउने उच्शृङ्खल कार्य भएको भन्दै थारु समुदायका विभिन्न संघसंस्थाले आपत्ति जनाएका छन्। धनगढीमा जारी रहेको महोत्सवमा कला, संस्कृति दर्शाउनका लागि थारु गाउँ राखिएको छ। तर, त्यसको दुर्दशा र त्यहाँको गतिविधिले थारु समुदायलाई बद्नाम गरिरहेको संघसंस्थाको बुझाइ छ।

अमेरिकी थारूहरूको संस्था थारु एन्ड फ्रेन्ड्स एसोसिएसन (टीएफए)ले २०२४/२०२५ सत्रका लागि छात्रवृत्ति आह्वान गरेको छ। नेपालमा प्लस टू र स्नातक तहमा अध्ययनरत विद्यार्थीका लागि टीएफएले छात्रवृत्ति आह्वान गरेको हो।

सृष्टि चौधरीले एक हजार डलरको पुरस्कार जितेकी छन्। फूड एण्ड एग्रीकल्चर अर्गनाइजेसन (एफएओ)को आदिवासी जनजाति विभागले आयोजना गरेको चित्रकला प्रतियोगितामा दोस्रो हुँदै उनले एक हजार डलरको पुरस्कार जितेकी हुन्।

नेकपा एकीकृत समाजवादीले संविधान संशोधनका लागि सुझाव दिन कार्यदल गठन गरेको छ। पार्टी कार्यालय आलोकनगरमा मंगलबार सम्पन्न पार्टीको स्थायी कमिटी बैठकले संविधान संशोधनबारे अध्ययन गरेर सुझाव दिनको लागि उपाध्यक्ष प्रकाश ज्वालाको संयोजकत्वमा ७ सदस्यीय कार्यदल गठन गरेको नेता जगन्नाथ खतिवडाले बताए।

दाङको लमही नगरपालिका वडा नम्बर ९ मा मिनी बस दुर्घटना हुँदा दुई जनाको मृत्यु भएको छ भने १२ जना घाइते भएका छन्। लमहीको च्याउ खोला भन्ने स्थानमा सोमबार बिहान ६ बजे लु१ज ४२९८ नम्बरको विङ्गर मिनी बस दुर्घटना भएको हो।

नेपाल पत्रकार महासंघको पदाधिकारीमा पहिलोपटक थारू समुदायका पत्रकार निर्वाचित भएका छन्। दाङ निवासी सबिन कुमार चौधरी ‘सबिन प्रियासन आदिवासी जनजाति समूहबाट सचिवमा निर्वाचित भएका हुन्।